Машинаш бокъо йоацача ӏоувттаерашта, гӏод дехар Наьсаре
29.01.2026 11:20
Шахьара наькъашкара хьал меттадоаладеш, къахьегаш ба Наьсарера хьакимаш. Из хоам «Сердалога» бир цигарча мэре болхлоша.
«Мутаӏаланаькъан, Тӏонганаькъан цӏерах долча урамашка дӏабихьар из болх тахан Наьсарерча Россе ОМВД ГИБДД, ДПС болхлоша.
Бокъо йоацача моттигашка наха новкъарле еш ӏоувттаяьча машинашта гӏод тохаш хилар цига», - йоах тхогарча хоамо. Гӏод тохача доазон тӏа дӏайигар 4 машин, 2250 сом дӏадала деза уж ӏооттаяьрий.
Мэре, полице болхлоша дехар ду бахархошка, боккъал а лорае наькъашкара бокъонаш, оашош леладеча хӏаман уйла еш, фийла хила!
