Наьсарерча урамашкара лампаш хувцаш бола болх дӏаболабаьб
Ара баьдъелча, шахьарерча урамашка сийрда, паргӏата хилийта гӏерташ; къахьегаш ба тахан Наьсарерча администраце. Цу гӏулакха арабаьнна; урамашкара лампаш хувцаш, сийрдагӏа, дикагӏа яраш дӏайохкаш; къахьегаш ба болхлой.
«Наьсар-Кертен оалача ураме боккха болх дӏабихьаб, 32 керда лампа дӏайоллаш къахьийгад цига. Кавказски оалача урам тӏа 8 прожектор еллай, иштта къахьийгад Нохчий, Тӏонганаькъан, Мутаӏаланаькъан, Базорканаькъан цӏерах долча урамашка. Керда лампаш йохкарал совгӏа, тишденна бӏоагӏий хувцаш а болх дӏахьош ба шахьаре. Базорканаькъан цӏи лелаеча урамера 8 бӏоагӏа хувца лерхӏ тахан», - йоах «Сердалога» Наьсарен кхален администрацера бенача хоамо.
Шахьара кхыйолча кхалешка а хургда цу оагӏонцара хувцамаш. Шахьарерча хьакимаша шоашта хьалхашка оттадаь лоархӏаме декхар да урамашка боад къовлабелча сийрда, бахархошта паргӏата хилийтар.
