Олимпийски чемпиона Халмарзанаькъан Хьасана совгӏаташ дахара яхь хургья Наьсаре
27.03.2026 09:55
Дзюдох йола ерригача Россе яхьаш дӏахьоргья Наьсаре. Из хоам «Сердалога» бир спорта гӏулакхех йолча министерствон зарбан болх лелабеча Гӏаппархой Аишас.
«Дзюдох йолча яхьашка хьатӏадоагӏача салоӏача деношка гуллургва 12 мехкара 23 шерга кхачанза вола 200 совгӏа спортсмен. «Магас» яхача спорта Двореце шин дийнахьа хургья яхьаш», - йоах тхогарча хоамо.
Белгалдечох, цӏихеза спортсменаш, лоархӏаме хьаьший ба цига боагӏаргбараш. Цхьайттлагӏчох ах сахьат даьлча йолалургья яхьаш.
