Наьсаре дӀайихьар ГӏалгӀайчен дешара болхлой профсоюза ӀХ-гӀа Кхетаче
Наьсарен №1 йолча юкъерча ишколе, Российски Федераце дешара, Ӏилман Россе юкъарча профсоюза болхлой ГӏалгӀай республикански организаце ӀХ-гӀа аргӀанара йоаца хоржамий Конференци дӀайихьар, яхаш, дийцар «Сердало» газетага из болх вӀашагӀбеллараша.
Кхетаче дӀахьош, цхьан даькъ тӀа вӏашагӏкхийтар ГӀР профсоюзий урхаллен кулгалхо Оздой Хади, президиума доакъашхой, 56 делегатах, 54 доакъашхо. Цига гулбеннараша, цхьа барт болаш, харжар, ше профсоюза кулгалхочун гӀонча йолаш дика йовзийта йола Пхьилекъонгий Роза, хӏанз цох кулгалхо хилар.
Ше къамаьл деш, профсоюзий болама ветерана, дукхача шерашка цун кулгал деш хьаенача Беканаькъан Лидас дийцар, ше дӀайодаш хилара бахьанах, цо иштта дӀайихьар доакъашхошта исторически экскурс, 1990 -ча шерашка профсоюзни организаци вӀашагӀйолларах. Цо боккхача лерхӀамца дийцар хьалхарча республикан дешара профсоюза кулгалхочох Малсаганаькъан Йоакъапа Ювсапах, иштта белгалдир, керттера лоархӀаме хаттараш, уж дар балха алапеш тӀатохар, ЖКХ хьашташ кхоачашдара хьехархошта ахча тӀатеха хилар, из де таро хилар ерригача профсоюза объединене цхьана болх дӀабахьарах.
«Профсоюза организацей цхьанкхетара» кулгалхочоа Оздой Хадена баркал аьлар профсоюзни болама мах баь варгвоаца дакъа юкъедарах, даькъалайийцар Султана Роза харжарца, ше тешаш я аьлар организаце, социально-экономически хьехархой хьашташ хьаллоацаш, тешам боаберг цахиларах.
Керда хоржача кулгалхочо Султана Розас баркал аьлар шийна тешам баларах, иштта аьлар ше дика болх дӀабахьара могар дергда, ший коллективаца, ветеранашца, ерригача республикан профсоюзий объединенеца цхьана.
Из болх вӀашагӀбеллараша яхачох, конференци яр, ГӏалгӀайчен дешара профсоюзни организаце белгало, тешшаме уж лаьрхӀача диканга кхачара.
