Наьсаре дӀахьоргья Олимпийски чемпиона Манкенаькъан Назира хетаяь яхьаш
Наьсарен-Шахьаре дӀахьоргья эллиной-румий латарах мехкашта юкъера йийлла яхь, из хетаяьй Олимпийски чемпиона Манкенаькъан Назира, яхаш, хоам бу ГӏалгӀай Республикан спортивни латара Федераце зарбан болх лелабераша.
«ХьатӀадоагӀача кӀирандийнахьа 100 совгӀа эллиной-румий латархой яхьебаргба «Ади Ахьмада» спортивни клуба совгӏаташ даха дагахьа, Магасерча спорта цӏагӀа.
Яхьашка дакъа лаца йиш йолаш ба 16 шерга кхаччалца ха яьннараш. Ӏуйрийна 10 сахьат даьлча дӀайолалургья Къулбехьен, Къилбаседа–Кавказа федеральни куран моттигашкарча викалий яхьаш», - аьлар хоамо.
Из болх вӀашагӀбеллараша яхачох, кхетаче лоархӀаме я къонача начӀал долча кагирхошта, хӀана аьлча цар таро я цига гойта шоашта фу карагӀдоал.
Белгалду, цига хьажа йиш йолаш ба эллиной-румий латар дезаш бола спортсмений новкъостий, гаргара нах, хьехамчаш.
