Наьсаре говзанча хьехам дӏабихьар, СВО бӏухой бераш сурташ дехка ӏомадеш
«Даьхен лорабой» ганза моттигерча даькъе каст-каста хул, СВО бӏухой гаргарча наха психологически новкъостал деш йола кхетаченаш. Цу проекта чудоагӏаш, гӏалгӏай филиала вахара дешашца бувзабенна болх лелабеча Буружанаькъан Хаде Наьсарен Берий исбахьален ишкола хьехархошца цхьана, бӏухой бераш сурташ дехка ӏомадара бола говзанча хьехам вӏашагӏбеллар.
«Из кхоллама болх дӏабахьара бахьан дар, кхувш йоагӏача тӏехьенна эхь-эздел ӏомадар, царна психологически новкъостал дар, арт-терапе оагӏонга гӏолла. Говзал йолча хьехархоша-суртанчаша берашта довзийтар сурташ дахкара технически хьалаш, цу балха даькъ тӏа керттердар. Хӏара доакъашхочо хьакхеллар шоай доалахьара исбахьален болх, из хетабаь бар Даьхен бӏухошта, дезала, хьамсарча мехка, ӏалама», - аьлар «Сердало» газетага «Даьхен лорабой» ганза филиале.
Тхога хоам баьчо яхачох, республикан берий искусствай ишколашца бувзам лелабаро таро лу лаьрххӏача тӏема операце доакъашхошта бокъонцахьа дола дика къамаьл, салоӏаш йола ха дӏаяхьа.
Арт-терапи яро берашта новкъостал ду дег чура сапаргӏата хила, кхерам дӏабаккха.
