Наьсарен кхален наькъашка 43 кхоачамбоацар теркалдир полице болхлоша
19.08.2026 09:08
Наьсарен кхален наькъашка бокъонаш телхаеш дола 43 кхоачамбоацар теркалдир рейд дӏаяхьа арабаьннача полице болхлоша. Бурокӏалхен юхерча федеральни наькъ тӏа хилар из рейд.
Россе вай мехкарча МВД оагӏон болхлоша «Сердалога» баьча хоамах, республикан чухьарча гӏулакхех йолча Министерствон кулгалхо, полице инарал-майор волча Котов Владимира тӏадилла дӏахьош бар из болх.
Белгалде деза, наькъашкара хьал меттадоаладара тӏехьа, из болх мехка хан-ханнахьа боаржабеш болга - кӏира шозза.
Машиний кораш геттара баьддерзадаь лела 11 саг бехктокхаме эзар цу дийнахьа, 10 сага гӏод техар кхерамзлен тӏехкар дӏацадехкарах; иштта, каьхаташ доацаш, машина тӏа хайна 6 саг гучаваьккхар цу дийнахьа. ӏаьдала моттиге ӏочуйоалайир полице болхлоша 7 машин.
