ЛоархӀамеча гӀулакхашка кийчо еш ба Наьсарен кхале
Наьсарен кхален администраце культуран, спорта оагӀонцарча кхетаченашка кийчо еш ба. Из хоам «Сердалога» бир цу моттигера.
«Кхетаче дийцар халкъа иллех, халхарах йола фестиваль, «Вахарга баьккха 10 000 эзар гӀа» яха боккха болам дӀабахьарах», - йоах тхога бенача хоамо.
Къаьстта йоккха терко еш дийцар «Вахарга баьккха 10 000 эзар гӀа» яхача оагӀонца дӀабахьа безача балхах. УнахцӀена вахар хьаллацара тӀехьа бахархой тӀаозаш дола лоархӀаме гӀулакх да из.
Миллионаш нах ба тахан мехка из гӀулакх доаржадеш хьабоагӀаш, Наьсарен кхален бахархой администраце хьалххе къоастаяьча моттигашка гӀолла гобоаккхаш хургба.
Иштта йоккха кийчо е езаш ба мехка къаман фестивалага а. Кхетаче белгалдир, малагӀча оагӀоно фу болх дӀахьоргба , эггара хьалхагӀа кхоачашде дезараш малагӀаш да.
