Тӏемхой дезалашца кхетаче дӏайихьар Наьсарен кхале
Российски эскара тӏемхой дезалашца кхетаче дӏахьош хилар Эккажкъонгий-Юртарча № 5 йолча ишколе. Даьхен бӏухой дезалий Комитета моттигера штаб яр цу гӏулакха хьалхаэттар. КСВО кулгалхочун хьалхара гӏонча волча Гаьгенаькъан Илеза дӏайихьар кхетаче. Хӏаьта керттера спикер вар дийша саг Албохчанаькъан Ислам.
«Цига дийцар хӏара дезала юкъера гӏулакхаш мишта хила деза, бусалба динга диллача. Лоалахошта, кхоачара болча наха хьалхашка лораде деза декхараш белгалдир кхетаче. ӏалама сага белгалдир, вӏаший барт лорабар, сабаре, гӏо де кийча хилар эггара керттерча декхарех долга.
Иштта теркалдир, бӏухой цӏенах кхетарга хьежаш болча дезале безам, йӏовхал лораяр чӏоагӏа лоархӏаме долга», - дийцар «Сердалога» КСВО моттигерча штабе. Гаьгенаькъан Илеза ший къамаьла юкъе белгалдир, хала денош токхаш лаьтта цӏенах кхийттача бӏухошцара хӏама ший тайпара, уж лорабеш хила дезилга. Тахан тӏема операцена юкъе болча бӏухошта тӏера дуӏа дир гулбеннараша. Могаш-маьрша болаш, сихагӏа уж цӏенах тохар дийхар цар Аллахӏагара.
