Пенси меттаоттадеш, гӏо дир Наьсарен кхален яхархочоа
Наьсарен кхален прокуратуре латкъа енача кхалсага дийцар; ший пенси бокъо йоацаш соцадаьд, аьнна. Из хоам «Сердалога» бера цу моттигера. «Ха дӏаяхарах дола, 21 эзар сом пенси доагӏаш хиннай кхалсаг.
2025-ча шерарча бӏаьстан хьалхарча бетта Волгоградски областерча РФ пенсионни ганза оагӏоно пенси соцадаьд, шеко йолаш. Прокуратуро суде гӏолла болх дӏабихьаб, ха дӏаяхарах доагӏаш дола пенси кхалсага меттаоттадергдолаш», - йоах тхога кхаьчача хоамо. Судо бакъдир пенси доагӏаш хилар. Прокуратура болхлоша тӏахьожам беш чакхдоаккхаргда из гӏулакх.
Белгалде деза, иштта сиха оарцагӏбаьнна хӏама тоадар, ӏаьдала болхлоша шоай гӏулакх боаггӏача боараме дӏахьолга долга. Шоай бокъонаш йовзаш, моллагӏа ца доагӏа хӏама нийсденна болх хилча, ӏаьдала болхлошка хоам беш хила беза бахархой.
