Наьсарен кхале белгалдир, доал деча даькъ тӏара хьал дегӏадоаладар
Наьсарен кхален администраце кулгалхочун декхараш кхоачашдеш волча Исмейланаькъан Темарлана хӏара кӏира дӏахьош йола кхетаче дӏайихьар, доал деча даькъ тӏарча кулгалхошца. Цар дийцар кастлуш де лерхӏачох, иштта хьалха кхоачашде лаьрхӏа хиннача декхарех, цар иштта чаккхе йир даь даьнначун, яхаш, хоам бу «Сердало» газетага доал деча даькъ тӏарча зарбан болх лелабераша.
Теркама юкъе дар кхален, юрташкарча вахара ӏалашо яра хаттараш. Кулгалхой хьежар коммунально-боахама даькъ тӏарча хьалашка, цу юкъе инженерни гӏирсашкара хьал дайзар, цар мишта болх бу хайра; цул совгӏа, юрташкара доазонаш санитарни лостам беш кийчдар а вӏашагӏделлар. Дӏахо цар дийцар вахара программаш кхоачашъярах, бахархой хаттарашта жоп луш хиларах.
«Вайх хӏаравар декхарийла ва вай юрташкара нах мишта бах ха. Наьха хьашташ сиха, тӏехьа ца тетташ, кхоачашдеш хилар лоархӏаме да», - аьлар Исмейланаькъан Темарлана.
Цо болхлой тоаба тӏахьийхар ма хулла низ тӏабахийтара, цо белгалдир, ший ханнахьа наха новкъостал дар, цар хӏара деннара хаттараш кхоачашдар; моттигерча ӏаьдала керттера болх ба, аьнна.
