«ИнформУИК» яхача проекте дакъа лацара, бахархой тӏахьийхар Наьсаре
«ИнформУИК» яха проект йоаржаярца, хоржамий даькъ тӏарча комиссе доакъашхой, цӏеннах чуувтташ, болх дӏахьош хилар Эккажкъонгий-Юртарча бахархошца. Россе Паччахьалкхен Думан, мехка Халкъа Гуллама хоржамий гӏулакхех дийцар нахага.
«Цу балхага гӏолла бахархошта хайра хоржамаш малагӏча дийнахьа, мел ха яьлча дӏадолалургда, иштта шоаш кхаж тасса беза моттиг малагӏча моттиге я. Цул совгӏа, политически партех, дакъа лоацаш болча кандидатех дийцар бахархошка. УИК доакъашхой из деррига довзийташ бола шоай болх мобильни оагӏонга гӏолла дӏахьош ба», - дийцар «Сердалога» Наьсарен кхален администраце.
«ИнформУИК» проект лоархӏаме хилар белгалдеш, бахархой из оагӏув бовзара тӏахьехаш ба мехкара хьакимаш. Хоржамий балхаца дувзаденна мел дола хӏамаш довзаш хилар лоархӏаме да тахан, цу гӏулакхо хоржамашка дакъа лацар боаггӏача боараме дӏадохьийтаргда бахархошка.
