Наьсарен кхале, «Дагалаттарий корсам» яхача болама чудоагӏаш, совгӏаташ делар боккхача дезала
«Дагалаттарий корсам» яха дикача гӏулакхий болам дӏахо дӏахьош ба, Гӏалгӏайчен фусамашка дикахетар дахьаш. Наьсарен кхале яхача 11 шу даьннача Овшанаькъан Мовлатхана дагалаьттар кхоачашхилар - из я дукхача дезалера, цо сатийса совгӏат делар цунна.
ЙиIига дагалаттар кхоачашде оарцагӏваьлар кхален администраце кулгалхо Исмейланаькъан Амиран. Цу дезале баха хилар кхален кулгалхочун декхараш кхоачашдеш вола Исмейланаькъан Тимерлан, шийца доал деча даькъ тӏара болхлой а болаш. Дег чура дӏайха къамаьл хилар цар цу фусаме.
Мовлатхана керттера совгӏат хилар планшет. ӏаьдала викалаша белгалдир, из лаьрххӏа ийца хилар: таханарча замах из дешара даькъ тӏа эшаш я, керда дешара таронаш цо хьаелларгья, кхоллама даькъ тӏа дегӏаяра йола программаш йовзаргья.
Юхедисача берашта а иштта мерзача хӏамай совгӏаташ дир. Цул совгӏа, администраце викалаша теркалдир цу дезала эшаш дар фуд. Цар иштта лаьрхӏар цунна новкъостал де ӏаьдалгара.
Из болх вӏашагӏбеллараша белгалду, вахаре новкъостал дар «Дагалаттарий корсам» яхача болама чудоагӏаш хилар. Цо таро лу, нах хьаллоацаш хиларал совгӏа, берий дагалаттар кхоачашде а, цар нийсхон тӏехьа йола уйлаш чӏоагӏъю тешам бала. Цо иштта чӏоагӏъю юкъарлон оагӏув, культура, шоайла хьаллоацаш хилар, из къаьстта эшаш хилар хьалхадоаккхаш.
