Куцала лелаю цхьацца хӏамаш хьаеча пхьара балхаца леладаьраш корадир, Лохера Пхьуй яхача лоаман моттиге
Лохера Пхьуй яхача лоаман моттиге болх дӏахьош боахкача археологашта, куцала лелаю хӏамаш хьаеш хиннача пхьара балхаца леладаьраш корадир. Из хоам «Сердалога» бир «Кхоане» яхача гӏишлош меттаоттаярах йолча ишкола зарбан болх лелабераша.
«Археологашта корайир цхьа зӏамига гон, хӏама шаьръеш йола оатхал, цӏаста дакъилгаш, лоаладаьча аьшка йисташ. Пхьугой тайпан къоаноша белгалдечох, цхьан къаьнарча ханашка дото, цӏаста хӏама хьаеш пхьараш баьхаб цига. Кораяь хӏамаш цар балхаца лелаяь йолга гуш да», - дийцар тхога.
«Тха ишкола чӏоагӏа лоархӏаме да уж хӏамаш. Царга гӏолла вайна хов, тхьовра баьха дай тайп-тайпара хӏамаш хьае ховш бола говза пхьараш хиннилга. Из истори лоархӏаш, кулгашца хьакхелла хӏама къаьстта деза долга кхетадеш, дӏахо из гӏулакх дӏадахьа дезарех да вай», - белгалдир «Тӏехьале» яхача ишколан кулгалдеча Султиганаькъан Рамзана.
