Хи чу баха устагӏа арабоаккхаш баьхкар МЧС болхлой
18.08.2026 08:57
Цхьабола турпалхой турпалхочун гӏирс бувхаш хилац, оалаш да-кх вайна юкъе тхьоврача хана денз… «Тоаркхо» МЧС тоабан доакъашхоша хьагойтар из иштта долга. Кердача Редантера Алханчуртски канале устагӏа чубежаб, аьнна, хоам бера «112» болхлошка. Хьайбан цу чура арадала аьттув бацар.
«Сердалога» баьча хоамах, «Таркхо» МЧС оагӏон болхлой бар цу сахьате оарцагӏбахараш. Ха йоае йиш йолаш моттиг яцар из, цудухьа хье6ала йиш яцар.
Альпинистий гӏирсаца дӏабийхка, хьалъарабаьккхар цар кхерабенна лаьтта устагӏа. Чаккхе хоза йолаш моттиг хилар цох.
Наьха сатем боабаь хинна из беркате хьайба ший даьга дӏакхаьчар, маьрша долаш, марцхилг даланза.
Доккха баркал аьлар Кердача Редантерча бахархоша, шоай декхараш тӏехдика кхоачашдеш болча МЧС болхлошта.
