Тӏеххьара кхетаче дӏаяхьа кийчо еш ба мехкарча Парламенте
Укх бетта 25-ча дийнахьа, дӏахьоргья мехкарча Халкъа Гуллама ворхӏлагӏча кхайралах йола 85-гӏа кхетаче. Из проект къоабалъеш, гулбенна хилар Магасе. Кхела кхетачен кулгал деш вар Халкъа Гуллама хьалха латта Тӏумхой Мухьмад, парламентски комитетий, фракцей кулгалхой, Мехкадаьи Паччахьалкхени Администрацера болхлой, иштта прокуратура.
Парламента укх тӏехьарча пхе шера дӏабихьача балхах, кхоачашде аьттув баьннарех дийцар цига. Иштта 2025-ча шера республикански рузкъах йолча моттигерча бокъон проектех, йоалацара болх патентни оагӏонца дӏабахьарах, иштта вай мехкарча берашта салаӏа, могашал меттаоттае моттигаш ӏалашъярах, лаьттан доазошца дувзаденнарех дийцар гулбеннараша.
Къаьстта терко тӏайохийташ дийцар мехка цхьацца зуламаш даьраш бехктокхаме озарах, республике индустриальни, промышленни паркаш йоаржаярах, мехка машар бу судахо харжара балхах. Кхетаче йистейоалаш гуйранарча сессена юкъе хила дезараш белгалдир депутаташа.
