Гӏирма Россех хьакхийтта 12 шу дизар дездир Наьсарерча Пенсей ганзо
17.03.2026 10:12
Гӏирма, Севастополь Россех хьакхийтта 12 шу дизара хетяь «Гӏирма: селхан, тахан, кхоана» яхача лекцега ладувгӏаш хилар Наьсарерча Пенсей ганзе. «Сердалога» из хоам цу моттигера бу.
«Цу ах гӏайрен исторех, 2014-ча шера хиннача хувцамех, укх тӏехьарча шерашка мехка вахара- экономически оагӏонца хиннарех дийцар кхетаче кагирхой гӏулакхех йолча Комитета болхло, «Кхетам» яхача моттигерча оагӏон лектор волча Йовлой Джамбулата. Паччахьалкхен программашка гӏолла къахьегарах, Гӏирмах дукха туристаш тӏалатташ йола моттиг хьаярах дийцар кхетаче. Гӏайрен исторех лаьца дола хаттараш доашхаш хилар цига цхьаццабараш», - дийцар тха газетага мехкарча КДМ.
Йовлой Джамбулата белгалдечох, иштта йола кхетаченаш лоархӏаме я исторецара хӏама, ца дойташ, лорадара.
