Гӏалгӏайчен Пхьилекъонгий-Юрта Султиганаькъан урам тоабир
26.06.2026 14:24
Российски Федераце сенатора Илезанаькъан Микаила новкъостал дарах, Пхьилекъонгий-Юрта Султиганаькъан урам тоабир, яхаш, дийцар «Сердало» газетага Наьсарен кхален администраце.
«350 метр бӏаьха никъ тоабаь баларах, Наьсарен кхален администраце кулгалхочун гӏонча Бохтаранаькъан Хизар, кхален администраце вахара-коммунальни боахама, архитектуран даькъа кулгалхо Ӏумаранаькъан Ӏалихан, моттигерча администраце викалаш бахар балхага хьажа.
Моттигерча бахархоша белгалдир, из никъ тоабарга шоаш дукха хьийжа хилар, баркал аьлар шоашта терко мел яьча наха», - йоах хоамо.
Никъ тоабарах хӏанз паргӏата ваха-ва йиш я, машинаш а нах а хало йоацаш лел. Из деррига деш да наьха вахара хьалаш тоадара.
