Гӏалгӏайчен гишлонхоша дийцар, кхыча паччахьалкхен гӏишлонхоша лоацача даькъах
Гӏалгӏайчен гӏишлошъяра Министерстве кхыча мехкарча болхлой-гӏишлонхой керда таронаш йийцар, яхаш8, хоам бу «Сердало» газетага цу боахамо.
«Паччахьалкхен керда миграционни политикан гӏишлошъяра даькъ тӏарча хьалах, доазал арахьарча нахага кхоачача гӏишлошъяра боарамах, царга патент е болх бе бокъо хиларах, иштта тӏахьожам лоаттабеча наха юкъе уж цахиларах - уж а кхыдола хаттараш дийцар, Гӏалгӏайчен гӏишлошъяра Министерстве болх бечар тоабай викалашца цхьана, «Россе МВД ПВС» ФГУПа кулгалхочо Пхьиленаькъан Мусас»,- аьлар хоамо.
2026 шера, наджгоанцхой бетта 1-ча дийнахьа денз, дукхагӏа йола РФ мехкашка ший къаьстта йола таронаш я кхыча мехкарча гӏишлонхошта йоагӏаш – 50% балха болча наха. Из бокъо йохаярах къахьегама моттига гӏод тохаргда, кхыметтел болх юхасоцабе а тарлуш.
Кердача бокъонаша хьалхадоаккх, генеральни подрядчикаш бехктокхаме хилар къайлагӏа балхаш леладара, цига кхыча мехкашкара нах увттабеш хилара.
Цул совгӏа, РФ 2026-2030 шерашка кхоачаш йолча миграционни политикан паччахьалкхен боарам кхоачашбеш, Россе МВД кийчъяьй керда бокъонаш. Цар декхарийла оттабу гӏишлон даькъ тӏара генеральни подрядчикаш, цхьацца дола балха хьалаш леладара. Уж дувзаденна да, кхыча мехкарча болхлочунга балха оттара патент е кхыйола бокъо хила езарца.
