Гӏалгӏайчен кхаленашка мах оттабу доал деча моттигашкарча гӏулакхерча наьха таронашта
Наьсарен кхален администраце болхлой таронаш дегӏакхувлара доал деча даькъ тӏа болхлошта фу хов хьежар, яхаш, дийцар «Сердало» газетага.
«Болхлошта ховр тохкаш йолча кхела керте вар Наьсарен кхален администраце кулгалхочун гӏонча Исмейланаькъан Темарлан. Кхела чубоагӏаш бар керттерча боахамий кулгалхой. Гадаборшанаькъан Мурад - комиссе кулгалхочун гӏонча, бокъоний даькъа кулгалхо; Иленаькъан Санета - кхела секретарь, администраце гӏулакхаш леладер; Коазой Хас-Мухьмад - ГО, ЧС гӏулакхех вола кулгалхо. Иштта цу юкъе дакъа лоацаш хилар Наьсарен кхален доал деча даькъ тӏара викал Шоанахой Жабраил. Цу балха кхелахо хилар юкъарлон цхьанкхетара кулгалхо ӏаьленаькъан Мухьаммад», - аьлар хоамо.
Из болх дӏабихьар шоайла къамаьл дувцаш, цо таро елар хӏара болхлочунна ховш долчоа мах оттабе, царна законаш мишта довз ха, шоай болх дика бовзаш уж бий ха. Гӏулакхерча наха ховр тохкаш, цига вар ГӏР Кулгалхочун Администраце, Паччахьалкхен доал дара викал Доврбиканаькъан Мухьмад.
