Гӏалгӏай Республикан ахархошта, дӏадийнача ялата тохача молхашца ӏалашо ергья
«Российски юртбоахама центра» федеральни паччахьалкхен бюджетни урхаллен филиала, Гӏалгӏайче гуминови кислота оала ялатах тохаш йола молхаш арахецара гӏулакх дӏадоладеш да.
«Россельхозцентра» говзанчаша яхачох, республике лаьтта хьаьндеш, дӏадийна ялат дика хьатӏадоалийташ йола уж молхаш арахеца хӏанзалца таронаш хиннаяц.
Моттигера юртбоахама къахьегамхой уж лоалахарча республикашкара хьакхахьа езаш хиннаб, цига а уж арахецараш я «Россельхозцентра» филиалаш. Хӏанз ГӏР гӏолла йолча «Россельхозцентра» ФГБУ филиала ше лаьрхӏад уж хьае. Цу даькъ тӏа эшаш дола гӏирсаш эцара болх дӏаболабаьб, «АгроТех» ООО екъача гумата хьалхара дакъа хьакхаьчад.
Цунца цхьана, «Россельхозцентра» из хьае а кийча продукци чуйотта а гӏирсаш эца лаьрхӏад. Из тахан эшаш да республикан юртбоахама даькъ тӏара болх дегӏабоалабара.
