Токах дола декхар гулде арабаьлар Вежарий-Юрта
27.03.2026 09:19
Токах тӏалатташ дола декхар хьагулде арабаьлар Вежарий-Юрта. Юртарча администраце кулгалхо, тока оагӏонцара болхлой бар дакъа лоацаш хиннараш.
«Юртарча бахархошта хьалхадаьккхар, коммунальни оагӏонцара декхар ханнахьа дӏатела дезилга. Иштта цар цхьацца дола хаттараш доашхаш болх дӏабихьар цига», - дийцар «Сердалога» Магӏалбика кхален администраце.
Из болх цу юрта, иштта кхален кхыйолча моттигашка хан-ханнахьа дӏакхухьаш ба. Тӏалатта декхар дукхагӏа хьа ца ӏайташ, дӏателар царна шоашта аттагӏа долга хьалхадоаккх рейд дӏахьораша.
