Яндаре ток хьаялара гIулакх тоадаьд
09.10.2024 22:55
«Ингушэнерго» болхлоша, Яндаре бахача наьха а цигарча хьакимий а лоткъам терко йоацаш битанзар, цар трансформатор хийцар, яхаш, дийцар «Сердало» газетага Наьсарен кхален администраце.
Керда трансформатор эшаш яр бахархошта санна моттигерча амбулаторена а, лорий балхаца ювзаеннача кхыча моттигашта а.
«Хьалха лаьтта 63 кВа трансформатор дIа а яьккха, цунна меттел 400 кВа оалар оттаяьй», - аьлар из болх баьраша.
