Россе къамий цхьоагӏон Шу дездеш хилар Эбарга-Юрта
Россе къаман цхьоагӏон Шу дездеш, лоархӏаме кхетаче дӏайихьар Эбарга-Юртарча культуран Цӏагӏа. Тайп-тайпарча боккхача мехка дахача къамашта юкъе массахана барт, цхьоагӏо, машар хила безилгах дийцар кхетаче.
«Хьаьший лархӏарца, хоза тӏаэцарца дувзаденна ӏадат гойташ дӏадоладелар цӏай дездар. Гуш дар берригаш дог ураэтта, цу кхетаченца сакъердалуш болга. Россе низ къамай цхьанкхетарца, барт лорабарца болга белгалдир кхетаче дӏахьош хиннараша», - дийцар «Сердалога» цу моттигера.
Россе дахаш дола къамаш машар лорабеш хила дезилга теркалдеш, цӏай дар из. Библиотекан болхлоша бӏарчча гойтам кийчбаьбар цу оагӏонна хетабаь. Этнографеца, фольклораца, истореца дувзаденнараш дар цу юкъе. Татрий, нохчий, башкирий, эрсий, балкхарой, иштта кхыдолча къамий ӏадаташ, оамалаш, культура, истори довзийташ моттиг яр из. Боккхача мехка тайп-тайпарча миӏингашкара вахар довза йиш яр гулбеннарий.
