Гӏалгӏайчен МЧСо лувча ха хьаэттача, хьехам бу кхетаченаш дӏахьу
Ара дикка йӏоахъенна, лувча ха хьаэттача, Гӏалгӏай Республике гӏолла берий даьшца хьехама болх дӏахьу. Из лаьрхӏа ба бераш воча хӏамах лорадара.
«Тӏехьарча хана вайна хьахозаш хинна хӏама бахьан долаш, кӏалхарбахара гӏулакха болхлой къаьстта цу деша терко еш ба. Россе МЧСа болхлоша боккхагӏбарашта хьалхадоаккх хи йисте нийсвелча малагӏа бокъонаш лорае еза.
Шоаш цу моттиге аргӏанара рейд дӏахьош, хин моттигашка наьха кхерамзле лораяра викалаш, Наьсарен шахьара госпожнадзор цхьана хьежар Шолжа шахьара Эса хи тӏа. Цига салоӏаш болча бахархошта, хьаьшашта хьалхадаьккхар де дезар, царна дагалоаттама каьхаташ делар.
ГИМС инспектораша теркалдир цига тӏахьожаш боккхагӏбараш а боацаш, дукха бераш хилар, уж дерригаш а цигара дӏадаьхар ха тӏарча тоабо», - аьлар «Сердало» газетага чоалханеча хьалий боахамо.
Цу даькъа кулгалхочо Темарханаькъан Адама яхачох, деррига а харцахьардар нийслу, лувча бокъо ца луш йолча моттиге. Укх юкъа кӏалхарваккхара болхлоша 40 сагаца къамаьл даьд, царна хьалхадаьккхад кхерамзлен бокъонаш лорае езилга.
