Магасерча «21 ишколе» керда болх дӏаболабир
Магасерча таьрахьашца дувзаденнарех йолча ишколе, керда болх дӏаболабир. «Хӏаман менеджер» яхача оагӏонцара дешар чакхдаккха аьттув хургба хӏанз берий.
«21 ишкола» сайта тӏа кӏимарса бетта 1-гӏа ди кхачале чуденна хила деза дехар цу оагӏонцара говзал караерзае ловш волчо. Магасерча «21 ишкола» доакъашхоша белгалдечох, ИТ оагӏонца эггара чӏоагӏагӏа баьржа, дика лоархӏаш бола оагӏув ба из.
Код дӏаязъе харал совгӏа, хӏаман уйла е ховш болча нахах ахча тела кийча я «компанеш». Продакт-менеджера ИТ-хӏама ше ма дарра гу. Хьалхаэтта болх дӏабахьа, бизнеса, технологей оагӏонашцара гӏулакхаш меттадоаладе, моллагӏа нийсденна кхоачамбоацараш юстарадаха хов цун.
«21 ишколе» хьахаржа йиш йолаш 10 оагӏув ба: кхоачама менеджер, ПО Хьакхеллар, доакъой оагӏонцара инженер (DevOps/SRE), проектий менеджер, деррига довзийташ вола болхло, Киберкхерамзле, «Тестестировщик (QA)», (UX/Uӏ дизайн) интерфейсий дизайнер, бизнеси цу оагӏонцара аналитики, биоинформатика.
