Ишколай столовешка кара ахча доаца хьал юкъедаккха лаьрхӀад
ГӏалгӀайчен дешара, Ӏилман министра Цхьорой Ахьмад–Башира дийцар «Сбербанк» ПАО викалашца республикан ишколашкарча столовешка даарах, кара ахча доацаш, мах лургболча таронех. Таьрахьий хьалашка валар массанена а аттагӀа хургда моллагӀа болх дӏабахьа, цудухьа из тоадара, цу балха дикал лакхъяра деш да из.
«Дешара карта» яха оагӀув юкъеяккхаро, таро лургья даьна-наьна шоай бера даара бӀарчча тӀахьожам лоаттабе, царна ховш хургда, ахча къаьстта дӀайхача даарах дӀадахалга. Цул совгӀа дешархой таро хургья, дукха хьежа ца безаш, хӀама яа, цул совгӀа ахчанцара хьал а царна дикагӀа довзаргда. Ишколай таро хургья шоай дӀадодар фуд ха, санитарни боарам лорабе, хӀана аьлча столове болх бераш ахча бедехка дезаш хургбац», - аьлар «Сердало» газетага мехка дешара, Ӏилман Министерствеӏ
Цу кхетаче лаьрххӀа йола план вӀашагӀъеллар - «наькъа карта» юкъедоаладар, республикан столовешка кара доацача ахчах хӀама яар. Из дика кӀийле я укх заман ишколера хьал нийса леладара, таьрахьий экономикан жоп луш а хургда из.
