Гӏалгӏайчен Вахара ганзе дийцар маткапитал берашка дешийтара мишта дӏахьожае еза
Гӏалгӏайче гӏолла йолча Россе Вахара ганза моттигерча Оагӏоно дийцар, республикан бахархой наьна ганз яха ахча шоай берашка дешийтара дӏахьожаде йиш йолаш хиларах. Таханарча денна из дика таро я шоай берий дешарах дола ахча цу тӏара дӏахьожаде.
Из дӏадала йиш я колледжашка, лакхерча дешара моттигашка, кхыча ишколашка дагӏача берий дешарах. Иштта из дӏадахьийта йиш я берага хьажа саг оттавара, берий беша бер оттадара, студенташта общежитешка баха таро хилийтара, спортивни секцешка уж ахийтара, кхыча паччахьалкхен мотт ӏомабара, кхыметтел автошколе дешара.
Цун дикагӏа йола оагӏув я, цхьатарра массехк хаттар цо дӏакъовлаш хилар. Масала, колледже дешаш долча бера семестр дӏакъайлача, юхедисар берий беша дӏадала йиш я.
Из ахча, бера 25 шу даллалца, цун гӏулакха дӏадахийта йиш я. Цу юкъе керттердар да дешар дӏадахьара йола лицензи хилар, е ший къаьстта дола хӏама цох хьаде бокъо хилар.
Гӏалгӏайчен бахархошта болча аьттонна, дехар дӏадалара дукха наькъаш да. Из де йиш я электронни кепара е «Госуслуги» яхача портала тӏа, иштта Гӏалгӏайче гӏолла йолча СФРа даькъга гӏолла е МФЦ дӏаваха.
