Наьсарен-Шахьара № 20 йолча ишколе, говзанча-хьехамаш дӀадихьар, гранташ луча яхьех лаьца
Наьсарен-Шахьара №20 йолча ишколе, говзанча-хьехамаш дӀадихьар гранта яхьех кхетам балара даькъ тӀарча болхлошта. Цига хьаьша йолаш къамаьл дир ГӏалгӀай Республикан кагирхой гӀулакха йолча Комитета, кагирхой политикан отдела кулгалхочо Гӏулой Аминас.
«Хьехархой теркама юкъе хилар, нагахьа санна декхар доаллаш яле, юридически оагӀорахьа ишкола бокъо яц цу юкъе дакъа лаца» яха хаттар.
Цо хьалхадаьккхар, физически сага оагӀорахьа, Росмолодёжа яхьашка кулгалхой гӏончий дакъа лоацаш хилара де дезар фуд. Керттера терко тӀаяхийтар «Росмолодёжь. Гранташ» яхача даькъ тӀа болх бара. ДукхагӀча даькъе дийцар дар, дехараш хьаэцар, маьхаш оттадар», - аьлар хоамо.
«Из хӀара дакъа лоацаш мел волчун йола таро я, дешархошта лаьрхӀа йола проекташ оттаеш 1,5 млн сомага кхаччалца ахча хьаэца йиш я, из саг ше цун кулгалхо хилча. Шун кара да патриотически даькъ тӀа, е лоӀамхой балха дешара моттига ларда тӀа гранта проект хьакхоллар», - аьлар Тухана Аминас.
Из болх вӀашагӀбеллараша яхачох, кхетаче хьехамчашта боккха пайда луш яр, цо хьаеллар вахара лоархӀамеча хьалашка вугаш йола таронаш.
