Психологашца кхетаче хилар МЧС
05.06.2026 16:06
РСЧС чуйолхаш йолча моттигий психологашца кхетаче дӏайихьар МЧС. Из хоам «Сердалога» бир цу моттига зарбан болх лелабераша.
«Психологически гӏо деш йолча Къилбаседа Кавказа МЧС моттига геттара сиха оарцагӏбоагӏарий оагӏон хьалха латтача Жигатов Азнаура, мехкарча Россе Керттерча МЧС моттига лорий-психологий оагӏонна кулгал деча Хьулахой Луизайца, хатар хиннача болх дӏахьош хулача психологашца кхетаче дӏайихьар», - йоах тхога бенача хоамо.
Халача хьале эттача, боккха бохам хиннача наха геттара сиха психологически оагӏонцара новкъостал лоаттадарах дийцар цига. Иштта цу кхетаче дакъа лоацаш хилар унахцӏенон гӏулакхех йолча министерствон, дешареи ӏилмани гӏулакхех йолча министерствон болхлой а.
