Гӏалгӏайчен столице хьежар, лаьрххӏача операце доакъашхой вахара хьалашка
«Даьхен лорабой» ганза республикан филиала, прокуратуран викалаш цхьана бахар; Магасе баха СВО бӏухой, заӏапхой болча. Тӏема декхараш кхоачашдеш, могашал яйнача бӏухошта массайолча оагӏорахьара ӏалашо яр чудоагӏаш да вахара хьалаш хьакхоллара йолча лаьрххӏача программанна. Из лаьрхӏа да ветеранашта эшар леладара, царна терко яра.
«Даьхен лорабой» ганза Гӏалгӏайчен филиала вахарца дувзаденнача дешаех бола Китенаькъан Зарема, Къоастой Ева, Магас-Шахьара прокурора гӏончаца Хаматхананаькъан Мусайца цхьана бахар, СВО ветеранаш Чопанаькъан Мухьмад, Хазанаькъан Адам, Овшанаькъан Аласхан болча. Царца, цар гаргарча нахаца къамаьл деш техкар вахаре эша новкъостал дара дешаш, уж меттаоттабар, лорашка чакхбахар, бокъонаш меттаоттаяр, вахара хьалаш тоадар дийцар», - аьлар «Сердало» газетага «Даьхен лорабой» ганзе.
Тӏахьожама викалаша бӏухой долча дерригача юридически хаттарашта жоп делар, царца дагабаьлар. Цу моттиге кхоачашде йиш йоаца цар хаттараш, уж чудоагӏача кхыча боахамашца цхьана кхоачашдергдолаш дӏаяздир. Хӏара цу тайпара хаттар ганзо, прокуратуро шоай тӏахьожам болаш леладу.
