Гӏалгӏайчен столице МЧС болхлой хьежар берий бешамашка
28.01.2026 13:33
Хатар дӏадерзадеча болхлоша профилактически болх дӏабихьар Магаса деша даха ха йоацача берий моттигашка, яхаш, дийцар «Сердало» газетага республикан министрий кабинета зарбан болх лелабераша.
«Тӏахьожама болх дӏахьош, мах оттабир керттерча вахара гӏишлошта. Из дар нах кӏалхарбахара наькъаш, цӏи йоаеш дола гӏирсаш лерттӏа дий хьажар, чоалхане хьал оттарах хоам беш бола гургал болх беш бий хьажар», - аьлар хоамо.
Иштта керттера терко тӏаяхийтар цӏи йоаяра кхерамзлен каьхаташ леладара хьала. Кхетаче дӏахьош ДОУ болхлошца, чоалхане хьал этта моттиг нийслойя, де дезар хьалхадоаккхаш, хьехам бир.
