ГIалгIайчен столице дIайолаелар мехкашта юкъера архивий кхетаче
ГIалгIайчен Паччахьалкхен Председатела Сластенин Владимира кхетаче дIайихьар, Росархива кулгалхочунца, цига дийцар регионашта юкъерча архивний кхетаченах. Укх шерара цу тайпара керттера кхетаче дIахьош я Магасе маьтсела бетта 26-ча денгара 29-ча денга кхаччалца, яхаш, дийцар «Сердало» газетага мехка Паччахьалкхено.
Гуллама кертте лаьттар дар Къилбаседа Кавказа, Къулбехьен федеральни куран архивий урхаллений Iилма-методически кхетаче цхьана дIахьош хилар. Цунна кулгал деш ва Росархива кулгалхочун хьалхара заместитель статс-секретарь Юрасов Андрей. Балха сессе дакъа лоацаш ба Россе Къулбехьен моттигий архивни балха кулгалхой, Ерригроссийски Iилма - тохкама института каьхаташ леладераш, архива гIулакха викалаш, иштта цу балха хьалхале лелаю говзанчаш.
Къаьстта терко тIайохийт кхетачено материально-технически архива база кердайоаккхаш долча хаттарашта, мехкий тамашийна каьхатий тIехьале лораяра.
Цу тайпара кхетаченаш Магасе дIахьош хиларо чIоагIдергда моттигашта юкъера бувзам лелабара хьал, иштта ГIалгIайчен архивни балха юкъе таьрахьий оагIонаш яхар.
