Магасерча мэре, керттерча гӏулакхех дувцаш, кхетаче хилар
Кхоачашде дезача керттерчарех дувцаш, кхетаче дӏайихьар Магасерча мэре, шахьара да волча Тиймарзанаькъан Мусас кулгал деш. Из хоам «Сердалога» бир администраце зарбан болх лелабераша. Эггара хьалхарча оагӏонца доаржадир, салоӏаш хиннача деношка бахархошкара тӏалаьтта хаттараш; дӏахо йоккхий кхетаченаш, хьоалчагӏаш дӏакхухьача моттигашка хатараш ца хилийтара тӏехьа терко лоаттаярах дийцар.
Шахьара дас белгалдир, хьоалчагӏаш дӏакхухьача цӏеношта доал дерашка кхерамзлен хьал лертӏа хилар белгалдеш дола паспорташ хила дезилга. Иштта кхетаче теркалдир, шахьарерча гӏишлошка, цӏеношка йӏовхал лоаттаярца дувзаденна бокъо йоацача тайпара дола хувцамаш дий, кӏур боаггӏача боараме дӏаухаш бий хьажа везилга.
Мэр волча Тиймарзанаькъан Мусас тӏадиллар, коашка шлагбаумаш оттаяра болх дӏабахьа беза, аьнна. Хӏама йохкача моттигашкара цӏерцарча кхерамзлен хьал малагӏча боараме да хьожаш, болх дӏахьоргба шахьаре, хӏаьта ЖКХ къахьегамхой шахьара куц лорадара тӏехьа хӏама йохкаш йолча моттигашкара хьал лорадеш, царца бувзаме болаш хила беза.
