Шолже тоабеш латт Гарданаькъан урам
31.08.2026 14:19
Шолжа-Шахьаре Гарданаькъан урам тӏара моттиг тоаю болх дӏахьош ба, аьлар «Сердало» газетага Шолжа-Шахьара администраце зарбан болх лелабераша.
Карарча хана подрядни организаци хиш дӏаухийташ йола моттиг кийчъяь яьннай, хӏанз уж гӏашлошта никъ билла кийчо еш ба, яхаш, дийцар тхоца къамаьл даьчо.
Цу проекта чудоагӏаш да 150 метр дола доазув тоадар. Укхаза атта а кхерамзле йолаш а бола никъ ӏобулларгба, урама сердало луш дола бӏоагӏий догӏаргда, цӏен гонахьара моттигаш тоаергья.
Из беррига болх цига къахьегараша укх кӏира йистебаккха лерхӏ.
