Шолжера Осканаькъан урам эргабаьннаб
08.06.2026 15:09
«Дика хьалаш хьакхоллар» яхача программанна, «Вахара хьалаш» яхача къаман проекта чудоагӏаш; Гӏалгӏайчен Шолже Осканаькъан урам тоабир, яхаш, хоам бу «Сердало» газетага шахьара мэре зарбан болх лелабераша.
200 метр бӏаьха никъ кердабаьккхар. Цига асфальт биллар, наькъа йистош чуерзаеш кхера техар, урам сийрдабаьккхар, иштта машенаш дӏаоттае моттиг кийчйир. Хьалхагӏа хала дар цига лела, никъ готта бар, машинаш хьал-ӏо йолхаш хилча халонаш нийслора.
Хӏанз транспорт паргӏатта лела йиш йолаш я, урам тӏа дӏа-юха вахара а моттиг юс.
Цига дӏаегӏай дукхача шерашка ягӏаш йола цӏе гӏаьнаш дола гаьнаш, цар а шахьара тӏара керттера урам хозбаьб.
