Шолже бехктокхаме эзар водитель, гӏаш воагӏача сага машин тӏатохарах
Гӏалгӏайчен Шолже, полице бехктокхаме эзар автотранспорта водитель, цо гӏаш воагӏачунна машин тӏатохарах, яхаш, дийцар «Сердало» газетага республикерча МВД.
«2026 шера наджгоанцхой бетта 14-ча дийнахьа, 17 сахьат 10 минот яьннача хана, Шолжа-Шахьарерча Ленина, Хьоашаланаькъан урамаш вӏашагӏкхетача, «Лада Приора» яхача автомобила водитела ишколера чуйоагӏача йиӏига машин тӏатехар.
Из йиӏиг, дегӏа човнаш хинна, лорашка йигар, цул тӏехьагӏа амбулаторе дарба деш я», - аьлар хоамо.
Новкъа лелара бокъонаш лорацаярах, «Приора» водитель административни бехктокхаме эзар. Автомобиль Россе МВД «Сунженский» МО доазон тӏа дӏаоттаяьй.
Бокъонаш лораеча болхлоша, цӏаькха а машиний водителаш тӏахьех, новкъа лелара бокъонаш лораяра; фийла хилара массайолча наькъа моттигашка, машинаш сиха цалехкара. Из ца хилча даргдоацар да, наьха вахар а могашал а лораеча.
