Гӏалгӏайчен Шолже кхоачашдеш да; «Дагалоаттама, сийлен» парк тоаяра ӏӏ-гӏа балха дакъа
Шолжа-Шахьаре керда аллеяш, дагабалара цӏалгаш, сийрда моттигаш хургья, укхаза дӏахьош ба «Дагалоаттама, сийлен парк» тоаеш бола болх, яхаш, дийцар «Сердало» газетага шахьара администраце.
Из проект вахара юкъейоалае болабелар карарча шера бекарга бетта. Хӏанз болхлой тоаба ӏоакъа ӏойилла, наькъа такилгаш кийчдаь яьлар. Говзанчаш кӏийле кийчъеш ба доазув баьццардерзадара.
«Проекта чудоагӏаш, парка даькъ тӏа сийленг оттадергда, иштта цига хургда ялх гӏанд, пхиъ кхоале, 16 урамашка лоаттаю сердалон лампа», - аьлар хоамо.
Цхьана дӏалаьрхӏача; хозал, дикал йолаш 4 500 квадратни метр доазув тоадергда, царех 800 квадратни метра даькъ тӏа ӏоакъа ӏойиллай.
Шахьара ӏаьдало, цунна чуйоагӏача гӏулакхий моттигаша шоашта могар ду, из моттиг Шолжа бахархой, цига хьа мел воагӏа саг гӏадвугаш хилийтара.
Деррига балхаш чакхдоахаргда, аьтинга бутт чакхбалале.
