Шолжерча Балайнаькъан урам тӏа, къаьнара хин турба хувцаш латт
14.01.2026 14:55
Шолжерча Балайнаькъан урам тӏара къаьнара хин турба хувцаш болх дӏахьош ба, цун шорал я 50 мм, яхаш, дийцар «Сердало» газетага администраце болхлочо.
«Къаьнара хин турба хийца яргья кхоана, цун меттел чуюлларгья 90 мм шера йола пластиках яь турба. Керда турбаш чуйоахкаш бе беза болх 100 метр бӏаьха ба. Хий тоадара балхаш дӏадоладаьд шахьара хьалаш кхолларах йола программа болх беш хиларах. Цун маӏан да, йохаш йола моттигаш цахилийтар», - аьлар тхога хоам баьчо.
Белгалду, балхаш дӏахьош цу даькъ тӏа баха нах хий доацаш бисар.
