Шолжа-Шахьарерча Чаненаькъан цӏерах болча урам тӏара хий тоадеш латт
23.12.2025 16:25
Шолжа-Шахьарерча Чаненаькъан Ш.С. цӏерах болча урамера хин лини тоаеш боахк болхлой. 75 мм йола турбаш тахан хьаяьннача 90 мм йолча пластика турбашца хувцаргья цар. Из хоам «Сердалога» бир мэре зарбан болх лелабеча Батиганаькъан Хьавас.
«400 метрага кхоачаш хургья керда хин лини. Ма хулла сихагӏа болх чакхбаккха гӏерташ къахьегаш боахк болхлой. Шахьара даь гӏонча волча Беканаькъан Халата тӏахьожам беш, дӏахьош ба из лоархӏаме болх. Беррига болх цхьан кӏира чакхбаьнна хила безаш ба», - дийцар тха газетага.
Укх шера Шолжа-Шахьарерча 10 урам тӏара хий тоадеш къахьийгад. Цу юкъе я Карл Маркса – 130 м, Фестивальни - 150 м, Балайнаькъан цӏерах бола урам - 650 м.
