Шолжерча наха дехарах, Энгельса урам тоабеш латт
17.07.2026 22:38
Шолжа-Шахьаре Энгельса урам тоабе болабелар. Балхаш дӏахьош да «Шолже-Гарагорск-Магӏалбик» машинаш лелача наькъ тӏа, из болх дӏахьу «Вахара хьалаш» яхача къаман проекта чубоагӏаш, яхаш, дийцар «Сердало» газетага Гӏалгӏайчен машиний наькъа, транспорта Министерствос.
«Из болх дӏахьош ба 2,5 километр бӏаьха болча наькъ тӏа. Хӏанз болхлой асфальт ӏобилла боалаш ба. Цунца цхьана 2 км бӏаьха гӏашлой никъ беш латт. Кастлуш уж болалургба наькъашка остановкаш хьалъе», - аьлар тхога хоам баьчо.
Ювца моттиг чуйоагӏаш я «Вахара хьалаш» яхача къаман проекта, дукхагӏа из болх дӏахьош ба наьха дехарах.
Цига къахьегараша яхачох, из болх, гаьна ца боаккхаш, чакхбоаккхаргба.
