Шолжа-Шахьарерча КДН оагӏон чӏоагӏонца, 11 бера даьшта-ноаношта гӏод техар
Барайтта шерага кхачанза долча шоай берашта боаггӏача боараме доал цадарах, лерттӏа тӏахьожам цалоаттабарах бехке беш, Шолжа-Шахьарерча 11 дезала даьшта-ноаношта гӏод тохаш нийсделар 5.35 ст. гӏолла. Из хоам «Сердалога» бера шахьара мэре зарбан болх лелабеча Батиганаькъан Хьавайгара.
«Аргӏанара кхетаче дӏайихьар шахьара мэра гӏонча йолча Келаматанаькъан Танзилас кулгал деш. Дӏабихьача тохкама балхаца къоастадаьча 12 административни гӏулакхех дийцар цига дешара оагӏонцарча, «Шолжа шахьар» яхача МВД ПДН «Шолжа-Шахьар» яхача МО болхлоша», - яхаш, хоам бу тха газетага.
Белгалдир, административни оагӏонцарча кхоачамбоацарех йолча Кодекса 5.35 ст. гӏолла шоай дезала лерттӏа доал ца дечарна, тӏахьожам ца лоаттабечарна 500 сомагара 2000 сомага кхоачаш гӏод тохаргдолга.
