Шолже бӀеха хиш дӀауха керда моттиг ергья
Шолжа-Шахьарерча Висаитова, Ленина урамаш вӀашагӀкхетача, бӀеха хиш дӀауха моттиг ергья. Кхетаче дӀахьош, моттигерча мэре дийцар гӀишлон балхашца дувзаденна хаттараш, яхаш, хоам бу «Сердало» газетага мэре зарбан болх лелабеча Батиганаькъан Хьавас.
«Гӏишлон балхаш дӀахьош хиларах, доал дара даькъ тӀарча Ӏаьдало из никъ дӀакъовларгба. Шахьара кулгалхочо Ӏумаранаькъан Аслана кхетаче дӀахьош дийцар машений наькъийи транспортеи Министерствон, ЖКХ, иштта «ОЛИМП» ОООс, Газпрома викалаша бе безача балхах», - аьлар хоамо.
Шахьара мэра тӀадиллар ЖКХ урхаллен, кхыча коммунальни болхлошта ха дара-аварийни тоабаш вӀашагӀйохкар, сиха новкъостал де таро хургйолаш, нагахьа санна инженерни коммуникаци еха моттиг нийслой.
Иштта дувца оттадаь дош дар, сердал луш йола наькъа белгалонаш, оасаш, хоам беш дола бӏоагӏилгаш оттадара терко тӀаяхийтар.
