Укх шерара тӏеххьара бахархой тӏаийбу кхетаче дӏайихьар Шолжа-Шахьаре
25.12.2025 09:43
2025-ча шерара тӏеххьара бахархой тӏаийбу кхетаче дӏахьош хилар Шолжа-Шахьара мэр ӏумаранаькъан Аслан. Из хоам «Сердалога» бир администраце зарбан болх лелабераша.
«Хьакима тӏаихача наха къувлаш хиннараш тайп-тайпара дар. Цу юкъе дар лаьттан доазонца, шахьара моттигаш тоаярца, гӏо дарца, болх бе моттиг ӏалашъярца дувзаденнараш. Хӏаране хаттар дикка доашхаш болх дӏабихьар мэра, дӏахо де дезар белгалдир шийна улуврча болхлошта», - йоах тхога бенача хоамо.
Укх шера шахьара администраце 124 эзар совгӏа сага дакъа лоацаш йола 29 кхетаче дӏайихьар, наьха хьашташ теркалдара тӏехьа.
