Шолже ӏадсаькх кхоссарах йола Гӏалгӏайчен Кубок къайсар
Наджгоанцхой бетта 7-ча дийнахьа, Шолжа шахьаре къаьнарча, дика лоархӏаш йолча тIема говзалах йола яхь дӏайихьар - укхаза Гӏалгӏай Республикан ӏадсаькх кхоссарах Кубок къайсар. Уж яхьаш дӏайихьар №8 йолча лаьрххӏача ишколе.
Из болх дӏахьочар цу гӏулакха эшаш мел дар кийчдаьдар. Доакъашхоша дакъа лаьцар ӏан заман боараме, уж 18 метр яр. Программанна чуйоагӏаш яр лакха говзал йола оагӏонаш (шозза 30-зза Iадсаькх кхоссар), иштта безам тӏабодаш йола яхьаш тӏеххьара чакхйоала къовсамаш гойтар
Цига дакъа лаца таро йолаш бар тайп-тайпара ӏадсаькхаш кхувсараш:
- таханарча заман блочни, классически хьисапедараш;
- массазара, хьожадеш кхоссара лаьрхӏа йоаца классаш: баребоу, инстинктив, лонгбоу, иштта исторически ӏадсаькх.
Кхетачен оагӏув шин даькъа йийкъа яр: ӏуйранара дакъа (блочни, классически ӏадсаькхаш). Доакъашхой дӏаязбара болх дӏаболабир 09:00 даьлча; лаьрххӏа дола хьожадеш кхоссарах йола оагӏув - 09:30, яхьаш дӏайолелар 10:00 даьлча.
Дийнахьара дакъа (хьожадаь кхувсаш йоаца классаш). Цига дIаязбар доладелар 12:00 сахьат даьлча, хьожадеш кхоссарах - 12:30 даьлча, хIаьта яхьаш шоаш дӏайолаелар -13:00 сахьат даьлча.
Доакъашхоша терко тӏаяхийта езар дресс-кодага хьежжа тӏабувха гӏирс хилийтара: кӏай дувхар хила дезар, Iадсаькх кхосса аравоалаш. Цу яхьашка дакъа лацара дӏачудала дезар 800 сом.
Яхьий доакъашхошта, дикагӏа толам баьккхачарна, майдилгаш, дипломаш даларал совгӏа, мах бола совгӏаташ лора. Кубок дIаяхьар хьаллоацаш яр «ӏадсаькх 06» яха тика, «СунжаКом» компани, иштта № 8 йолча ишкола кулгалхо Оздой Хьусен.
Белгалду, безам бараш берригаш а, доакъашхой хьаллоацаш, цига хьажа йиш йолаш бар.
