Шолже тӀахьожам дӀахьу, йоал яла еза дӏаязъянза моттигаш гучайоахаш
Шолжа-Шахьаре тӀахьожам лоаттабу дӏаязъянза йола моттигаш гучайоахаш, йоал ялара болх тоабеш. Из болх дӀахьош, моттигера администраци яха хилар массехк мах беча даькъ тӀа.
«Из кхетаче вӀашагӀъеллар я боахамашта юкъера кхел, цунна чубоагӀа шахьара мэре экономикани ахчани долча даькъа болхлой, йоал йоахараша новкъостал а деш. Уж хьежар кассан техникага, банке гӀолла доацача ахчан оагӀонга, болхлошца къахьегама хьал чӀоагӀдаь хиларга, иштта бизнес лелае бокъо луш дола каьхаташ хиларга», - аьлар мэре зарбан болх лелабеча Батиганаькъан Хьавас.
Говзанчаша гучаяьхар закон телхадеш йола моттигаш. Ӏаьдала викалаша хьалхадаьккхар, къахьегама закон леладеш ца хилча, малагӀча бехктокхаме оттаву болхло. Къаьстта йола терко кхела доакъашхоша тӀаяхийтар РФ КоАП 14. 1 статья телхаеш хилара, цох административни бехктокхаме оттаву, бокъонах ца боагӀаш предпринимателий болх лелабарах.
