Бокъо йоацача доазон тӏа нувхаш йоаржаяь гучадаьлар Шолжа-Шахьаре
25.06.2026 09:00
Шолжа-Шахьарера Суворова, Свердлова оала урамаш вӏашкаоттача, нувхаш йоаржаяь моттиг гучаяьлар. Из хоам «Сердалога» шахьара мэре бир.
«Шахьара администраце, Россе МВД «Шолжа кхала» яхача МО болхлой гулбелар цигара хьал тахка. Белгалде деза цу тайпара хӏама цига хьалхара нийслуш доацилга.
Арендаторашта, лаьттан доазошта доал дерашта хьалхадаьккхар деррига а бокъоно дӏадеххача тайпара лораде дезилга, кхаьч-кхаьчача нувхий гувнаш доаржадеш дола гӏулакх гӏод ца тохаш дусаргдоацилга.
ӏаьдало дикка тохкаргда из хӏама бехкебараш бехктокхаме озаш», - йоах тахан тхога бенача хоамо.
