Шолжа-Шахьаре керда автостанци хургья
Шолжа-Шахьарерча «Сийг» яхача хӏамаш йохкача моттига гаьна доацаш, Суворова оалача ураме керда автостанци хьаеш боахк тахан. Ер шу чакхдалале, йистебаьнна хила мегаш ба из болх. 2 412 кв.метр дӏалаьца йолча автостанце болх, дикка дӏабодаш ба ала йиш я тахан. Цхьаццадола балхаш кхоачашдаь баьннаб цига хьинаре къахьегаш хиларах.
«Бордюраш оттаеш, гонахьара доазув меттадоаладеш боахк цига хӏанз. Лампаш егӏа, чура моттигаш тоаяь, эшаш дола гӏирсаш хьачудена, хувцамаш хургда дукха ха ялале. Цхьан инвестора рузкъах кхоачашъеш я из проект. Шолжа-Шахьарерча бахархой хьал аттача доаккхаш, наха паргӏато еш, хургья таханарча ханага хьежжа тоаяь йола автостанци», - дийцар «Сердалога» мехкарча паччахьалкхено.
Нах тӏалатташ йола юкъара моттиг лерттӏа куц долаш хила еза. Шахьара бахархошта, хьаьшашта тоам беш хувцамаш да ала йиш я царех. Малха, догӏан кӏалха латта ца безаш, паргӏата йолча автостанце ӏохайша, шоай автобусага хьежа йиш хургья цар.
