Шолжерча «Сийг» яхача дохкар-эцар деча центре рейдаш йир
23.06.2026 16:32
Рейдаш дӏахьош, Шолжерча «Сийг» яхача дохкар-эцар деча центре гучадаьлар, йоала, къахьегама законаш лорадара даькъ тӏа кхоачамбоацараш хилар.
«Тӏахьожама болх дӏахьош, говзанчашта гуш хилар, паччахьалкхен регистраци а йоацаш шоай доалахьара хӏама леладеш долга. Цул совгӏа, къахьегама закон толхадаь а моттиг нийсъелар.
Дукхагӏча даькъе, болх лоаттабераша къахьегама бартчӏоагӏам баьбац болхлошца. Уж кхоачамбоацараш гучадаларах, йоал йоахараша каьхаташ оттадаьд, РФ административни бокъонаш толхаярах йолча 14.1 статьях «Паччахьалкхен регистраци йоацаш доалахьара болх лелабарах (лицензи)», - аьлар Шолжа мэре.
Хӏанз из болх тоабара ворхӏ ди ха еннай, шоай болх бокъонах хила безача беса цар тоабергболаш.
