ГӏалгӀайчен УФАСе 2025 шера баьча балхах дийцар
ГӏалгӀайчен антимонопольни гӏулакха кулгалхочо Тоачанаькъан Батыра саькура бетта 3-ча дийнахьа пресс-конференци дӀайихьар, дӀадахача шера баьча балхах дувцаш. Цо белгалдир, антимонопольни гӏулакхо рекламан закон толхадар, иштта контракта даькъ тӀа нийсденна кхоачамбоацараш дӀадоахаш дика къахьийга хилар.
2025 шера, керттера терко тӀаяхийтар тӀаьргаш нийса дӀаяхьара, нийса йоаца яхьаш юкъеяьлара бокъонаш лораеш.
ГӏалгӀайчен УФАСо рекламан даькъ тӀа кхоачамбоацараш хиларах, хьадийллар шиъ уголовни гӀулакх. «Яхьаш нийса дӀаяхьара» даькъ тӀарча законага диллача, хьадийллар итт совгӀа гӀулакх, иззал де дезар хьалха а даьккхар. Царех дукхагӏдараш кхоачашдар Ӏаьдала органашта, бюджетни организацешта, монополена доагӀаш да.
«Хьадийллад, яхьаш нийса лелаяра 1-ча статьяй 17 Закон толхадаь хиларах дола 4 гӀулакх; къаьстта яхьашта новкъарле еш дола хьалаш юкъедаларах», - аьлар Тоачанаькъан Батыра. Къаьстта терко тӀаяхийтар паччахьалкхен тӀахьожам лоаттабара «Товар хьаэцаш, контракта оагӀув лораеш, паччахьалкхен, доал деча даькъ тӀа эшаш дар лоаттадар» яхача закона.
2025 шера, Урхаллено техкар 55 лоткъам, ужаш контракта Закон лорадар даькъ тӀара дар.
Дехараш тохкаш, лаьрхӀар царех 29 доагӀаш, 26 ца доагӀаш хилар. Дерригаш а гучадаьха товар эцара даькъ тӀара кхоачамбоацараш 34 да. Иштта, цу юкъа 99, лаьрхӀа боаца тӀахьожама болх дӀабихьар паччахьалкхен, доал деча даькъ тӀа товар хьаэцара балхага хьожаш, цига гучадаьлар 349 контракта даькъ тӀа Закон телхадеш хилар», - аьлар цо.
Керттера да бокъонах ца йоагӀа контракт оттаяр, тӀаьргаш дӀаяхьара еррига оагӀонаш лора а ца еш.
«Законо таро лу контракт оттае 600 эзар, бакъда 2 млн е 10% дукхагӀа йоацаш шера хьаэцаш долча товарал (5 млн, 50% 5 йолча пунктах). Бакъда, каст-кастта из хила дезачул дукхагӀа эц 4-5 йолча пунктах 1-гӀа статья, 93 законах, контракта даькъ тӀа. Е контракта мах 600 эзар сом хул. Белгалду, Урхаллено бокъо йоацаш чӀоагӀъяьча контрактах суде чуеннай, 18 контракт пайдана цахиларах дола дехараш. Кхыча тайпара аьлча, ахча юхадаларца ювзаенна.
Карарча хана ГӏалгӀай Республикан Арбитражни судо, ГӀР Шолжа судо цу тайпарча гӀулакхех 4 соцам баьб, Урхалленна пайда болаш. Исполнитель декхарийла ва законах доацаш баь пайда юха бала»,- аьлар Тоачанаькъан Батыра.
Урхаллено иштта тӀахьожама кхетаченаш дӀайихьай, лоткъамаш техкад паччахьалкхен Ӏаьдала органашта, мехка доал деча даькъ тӀарча Ӏаьдала духьала доагӀаш, лаьтташ дӀадекъаш кхоачамбоацараш юкъедитарах.
Гучадаьхача кхоачамбоацарий чаккхе еш, Урхаллено лаьрхӀар тӀаьргаш дӀаяхьара даькъ тӀа Лаьттан кодекса хьал телхадаьд, цун уж дӀадахар хьалхадаьккхад.
Цул совгӀа, Ӏаьдала органий Урхаллено хьалхадаьккхар, аренда лаьтта декъача хана, антимонопольни законаш толхадарах, кхоачамбоацараш юкъедаьнна болх соцабар. Россе, ГӏалгӀай УФАСа де аьннар, цо хьалхадаьккхар йилла хиннача хана кхоачашдир.
